ტრენინგის მერვე დღე

მე-7  მოდული       ფასილიტაცია ტექნოლოგიებით  

ტრენინგის დღის წესრიგი:

1. გამეორება
2. ფასილიტაციის რესურსის შექმნა
3. პორტფოლიოს გადახედვა
4. პორტფოლიოს  ატვირთვა

მთავარი კითხვა

• როგორ უნდა გამოვიყენოთ ტექნოლოგიები ყველაზე ეფექტურად სწავლების პროცესის ხელშეწყობისა და მოსწავლეთა სწავლის შეფასების მიზნით?

მოდულის საკვანძო კითხვები

• როგორ გავუწიო ფასილიტაცია კლასს მოსწავლეზე ორიენტირებულ სწავლების პროცესში?
• როგორ გამოვიყენო ტექნოლოგიები სასწავლო პრაქტიკის გასაუმჯობესებლად?

წინა მეცადინეობებზე  შესწავლილი მასალის გამეორების შემდეგ გადავედით ფასილიტაციის რესურსის შექმნაზე ტექნოლოგიების გამოყენებით.

    მოსწავლეზე ორიენტირებულ გაკვეთილზე მასწავლებლები უსმენენ მოსწავლეებს, აკვირდებიან მათ მუშაობასა და სასწავლო პროცესის შესაბამისობას მიზნებთან.
    წინა მოდულებში ჩვენ ტექნოლოგიური ინსტრუმენტების გამოყენებაზე ვივარჯიშეთ.
    მოსწავლეზე ორიენტირებულ გაკვეთილზე მასწავლებელი - ფასილიტატორი რესურსებს ისე უკეთებს ორგანიზებას, რომ სწორი მიმართულება მისცეს მოსწავლეებს და ასწავლოს მათ, თუ როგორ ისწავლონ . ქვემოთ მოცემული სწავლების სტრატეგიები სწორედ მოსწავლეზე ორიენტირებულ გაკვეთილზე გამოიყენება:

• მცირე ჯგუფში განსახორციელებელი აქტივობები, როგორიცაა გრაფიკული ორგანაიზერის შექმნა, როლური თამაში, დრამატული სცენარების დადგმა, ეხმარება მოსწავლეებს ძირითადი კონცეფციების კარგად გაგებაში.
• პროექტების განხორციელებისთვის საჭირო უნარ-ჩვევების სწავლება და დემონსტრირება მოსწავლეებს ახალი უნარ-ჩვევების რეალურ კონტექსტში სწავლის შესაძლებლობას აძლევს.
• დამატებითი აქტივობები და უნარების განვითარება, რომლებიც განმავითარებელი შეფასების შედეგებს ეფუძნება, სასწავლო პროექტის შინაარსში და უნარ-ჩვევების სწავლებისას წამოჭრილი სირთულეების დაძლევას უწყობს ხელს.

1. ჩამოვტვირთეთ პრეზენტაციების, პუბლიკაციების, ცხრილებისა და ვებრესურსების ნიმუშები, რომლებიც განთავსებულია რესურსების ჩანართის  ჯგუფში ფასილიტაცია/ფასილიტაციის ვმასალები.

2. გადავხედეთ მასწავლებლების მიერ შექმნილ ბლოგებს, რომელთა ბმულების ჩამონათვალიც ფასილიტაცია/ფასილიტაციის მასალების ჯგუფშია მოთავსებული.

3. გავაკეთეთ ჩანაწერები და ჩავინიშნეთ ჩვენთვის საინტერესო და გამოსადეგი მასალები.

4. ჩვენი იდეების გათვალისწინებით, შევქმენით ახალი დოკუმენტი /ვებრესურსი/სასწავლო პროექტის ფასილიტაციისთვის. 

5. შევინახეთ ფასილიტაციის მასალები პორტფოლიოს საქაღალდეში   პროექტის  დამხმარე.

6.  გავხსენით ჩვენი სასწავლო პროექტის გეგმა და სასწავლო პროექტის გეგმის ჩეკლისტი, რომელიც  განთავსებულია პორტფოლიოს საქაღალდეში  სასწავლო  პროექტის  გეგმა   და  დავასრულეთ  სასწავლო პროცედურები.

7 კიდევ ერთხელ გადავხედეთ ჩვენი პორტფოლიოს საქაღალდეებში მოთავსებულ საბუთებს და ავტვირთეთ ის ბლოგზე.

  

      ვისწავლეთ სიის გაჯეტის შექმნა  და გავაკეთეთ ინტელის სასწავლო კურსის სია.

    ვისწავლეთ ელფოსტიდან მასალის (დოკუმენტის) გადატანა ბლოგზე და გადავიტანეთ ტრენინგის განრიგი.

              ვისწავლეთ  გაჯეტების წყობის შეცვლა  და ჰიპერბმულის გაკეთება (ერთმანეთთან  საბუთების დაკავშირება)

       მეცადინეობა ძალიან საინტერესო და ბევრის მომცემი იყო. ვეცდები ყველაფერი გამოვიყენო ჩემს  მუშაობაში  საინტერესო პროექტების  შესაქმნელად. 

       ვისწავლე პროექტის გეგმის სრულყოფილად შედგენა და საჭირო რესურსების შექმნა, რაც ნამდვილად არ ვიცოდი და დიდი მადლობელი ვარ ამის სწავლისთვის.