ტრენინგის მეშვიდე დღე

დღის წესრიგი:
1. გამეორება
2. ყველა მოსწავლის საჭიროების გათვალისწინება
3. ბლოგის გაჯეტი - საათის  ჩასმა
4. პროექტის გეგმაზე  მუშაობა  (სასწავლო პროცედურების  გაწერა)
5. რეფლექსია

მოდული  6.     დაგეგმვა მოსწავლეთა წარმატებისთვის

მთავარი კითხვა

• როგორ უნდა გამოვიყენოთ ტექნოლოგიები ყველაზე ეფექტურად, სწავლების  პროცესის ხელშეწყობისა და მოსწავლეთა სწავლის შეფასების მიზნით?

მოდულის შეკითხვები

• როგორ შემიძლია შევუწყო ხელი ჩემს მოსწავლეებს, რომ ისინი        თვითრეგულირებად მოსწავლეებად იქცნენ?
• როგორ დავაკმაყოფილოთ მოსწავლეების განსხვავებული საჭიროებები?

წინა მეცადინეობაზე ნასწავლი მასალის გამეორების შემდეგ ვისაუბრეთ იმაზე,           რომ ყველა მოსწავლეს აქვს განსხავებული შესაძლებლობები, რომელიც                       უნდა გავითვალისწინოთ პროექტის დაგეგმვისას.

ჩვენი მიზანია, ყველა  მოსწავლემ  მიაღწიოს  სტანდარტით  განსაზღვრულ  შედეგებს  და მიზ- ნებს, სრულყოფილად გამოიყენოს თავისი სასწავლო პოტენციალი. ჩვენი შექმნილი შეფასების გეგმა ჩვენც და მოსწავლეებსაც მნიშვნელოვან ინფორმაციას  გვაწვდით მათი სწავლის შესახებ. მოსწავლეები, შესაძლებლობების გარდა, განსხვავდებიან ინტერესების, პიროვნული თვისებების, სწავლის სტილის მიხედვით. მოცემულ აქტივობაში, ვიმუშავეთ მოსწავლეთა შორის განსხვავებების გამოვლენაზე და მოვიფიქრეთ, როგორ უნდა ჩავრთოთ ყველა მოსწავლე თემაზე წარმატებით მუშაობაში.

როცა კლასში მოსწავლეების საჭიროებები გათვალისწინებულია, მათი დამოკიდებულე-ბაც და ტესტირების შედეგებიც უკეთესია . ყველა მოსწავლეს სჭირდება მისი საჭიროებების გათვალისწინება ან ინდივიდუალური მხარდაჭერა. განმავითარებელი შეფასებებიდან მიღებული ინფორმაცია მასწავლებლებს ეხმარება სასწავლო პროცედურების ისე დაგეგმვაში, რომ ყველა მოსწავლის საჭიროება გაითვალისწინოს. მოსწავლეებს, ასევე, სჭირ-დებათ გარემო, სადაც თავიანთ ძლიერ მხარეებსა და ინტერესებს დაეყრდნობიან ახალი ცოდნისა და უნარ-ჩვევების მისაღებად.

დიფერენცირებული სწავლების მეთოდიკაში გავრცელებულია  ოთხი დონე:

•   შინაარსი - გაითვალისწინეთ,  რა  სჭირდებათ  მოსწავლეებს,  რომ  ისწავლონ,  ან  როგორ  იღებენ  საჭირო  ინფორმაციას.
•       პროცესი— შესთავაზეთ შინაარსის მიწოდების განსხვავებული გზები.
•  პროდუქტები - შესაძლებლობა  მიეცით  მოსწავლეებს,  ივარჯიშონ,  გამოიყენონ  მიღებული  ცოდნა  და   განავრცონ   ის  სხვადასხვა   მიმართულებით.
•  სასწავლო  გარემო - შექმენით  მოქნილი  სასწავლო  გარემო, მშვიდი  და  ინტერაქტიული  ადგილებით  და  ასწავლეთ  ისეთი  წესები, რომლებიც  ხელს  უწყობს  დამოუკიდებლობას.

        გავიხსენეთ  გარდნერის მრავალმხრივი ინტელექტის  თეორია და ვისაუბრეთ თუ
 როგორ შეგვიძლია გამოვიყენოთ ის პროექტზე მუშაობის დაწყებამდე .
  მოვძებნეთ დიფერენცირებული სწავლების გზები ინკლუზიური ტიპის მოსწავლეებისთვის და გავაკეთეთ "პრეზენტაციაზე მუშაობის დღიური"

გავეცანით კითხვარს დიფერენცირებულ სწავლებაზე, რომელიც ჩვენს მიერ გამოყენებული დიფერენცირებული სწავლების მეთოდების შეფასების შესაძლებლობას გვაძლევს. თვითშეფასება დაგვეხმარება მომდევნო აქტივობის შესრულებაში. გამოკითხვის ფორმა განთავსებულია რესურსების ჩანართის ჯგუფში დიფერენცირება.

   გავიხსენეთ გაჯეტის შექმნა.

  101widgets.com/clock/  გვერდზე შევარჩიეთ და ჩავსვით  ბლოგში საათის გაჯეტი.

   კიდევ ერთხელ გადავხედეთ და დავხვეწეთ ჩვენი პროექტის გეგმა (გავწერეთ  სასწავლო პროცედურები ).

   გავაკეთეთ  რეფლექსია.